பாடசாலைகளில் ஆலோசனை வழங்கல் சேவையினை வெற்றிகரமாக மேற்கொள்வதற்கு நீர் முன்வைக்கும் உபாயங்களைக் குறிப்பிட்டு ஆலோசனை வழங்கல் சேவையினை பயனுறுதியோடு நிறைவேற்றுவதில் உள்ள சவால்களை நடைமுறை உதாரணங்களைக் கொண்டு விபரித்தல்
ஆலோசனை வழங்கல் சேவையானது பல்வேறு காரணிகளால் தற்காலத்தில் மிகவும் அவசியமான ஒன்றாக உள்ளது. இச்சேவை இல்லாது இருந்திருந்தால் உளரீதியாக பாதிக்கப்படுவோரின் எண்ணிக்கையானது மிகவும் அதிகளவிலேயே காணப்பட்டிருக்கும் இத்தகைய ஆலோசனை வழங்கல் சேவையின் அவசியம் உணரப்பட்டு சகல பாடசாலைகளிலும் இச்சேவை ஏற்படுத்தப்பட்டு வருகிறது. இச்சேவை வெற்றிகரமாக மேற்கொள்வதற்குரிய உபாயங்களையும் இச்சேவை பயனுறுதியோடு நிறைவேற்றுவதில் சவாலாக உள்ள விடயங்களையும் கீழே விரிவாக நோக்குவோம். பாடசாலைகளில் ஆலோசனை வழங்கல் சேவையானது வெற்றிகரமாக மேற்கொள்வதற்குரிய உபாயங்களாக கீழ்வருவனவற்றைக் குறிப்பிடலாம். அதிபர் ஆலோசனை வழங்கல் சேவை தொடர்பான அறிவும் தெளிவும் பொறுப்பும் கொண்டவராக தனது கடமைகளைச் செய்தல். ஆலோசகராகச் செயற்படும் ஆசிரியர்கள் தங்களது ஆலோசனை வழங்கல் சேவை தொடர்பான கடமைகள் பொறுப்புக்களை சரிவர செய்தல். ஆலோசனைக்குரிய பயிற்சிகளைப் பெற்றவர்களாக ஆசிரியர்கள் காணப்படல். பெற்றோர்களும் பாடசாலை ஆலோசனை வழிகாட்டல் சேவை தொடர்பான முழுமையான விளக்கங்களைப் பெற்று தங்களது முழுமையான பங்களிப்புக்களை வழங்குதல். மாணவர்களும் தங்களது பிரச்சின...